و من الــعشــق ما قــتـل

[مواطن]

محمد الفيحاني
من قبيلة سبيع


هذه ابيات مرويه كتبها بالفحم على جدار غرفته بمستشفى الارساليه الامريكيه عندما كان يخضع للعلاج بالبحرين من مرضه الذي اودى بحياته وكان يحب قريبه له اءلا ان اقاربها حالو دون زواجه منها واعتل وساءت حالته و عالج بالبحرين وتوفى عام 1355 هـ ودفن في مقبرة المنامه بالبحرين

القصيده

ياقلب بالله وش علامك عليه=ماهوب ذا زين
كلما بغيت اتهون زدت الجنيه=ويلي من الشين
أهلكت نفسي وهي هزلا رديه =من بين همين
هم الحبيب و هم دنيا دنيه=متعوب مابين
وانت جروحك في ضميري طريه=زادت بتمكين
يا هون هالدنيا ولو هي قويه=دون المحبين
أه ٍ على قلبي غدا وا عليه=بين المسيحين
كنه على الفرقا على ناب حيه=او بين ظفرين
والى طرا المحبوب شبت اضويه=من بين جنبين
يا هيه يا احمد يامخلي خويه=ما بين نابين
كله من اسبابك لقيت البليه=يا فارج البين
خليتني يا خوي مثل الخليه=من عقب ولدين
و اركبتني كل الدروب الشجيه=التعب واللين
لولاك ما ناوحت انا الراعبيه =نوح الحزينين
ولا سريت امشي بليا مطيه=من فوق رجلين
لو كانت اعظامي ضعاف ورديه=بالتعب واللين
تصحا وتقوى لى ذكرتك سليه=من غير تهوين
حتى الحسود يحن قلبه حنيه=ويا المعادين
وانت ضميرك قاسي ٍ في مسيه=كطالب الدين
انا كان ذا فعلك بحكم القضيه=فاذبح بسكين
و لا تعذبني بشر و اذيه=هذا زمانين
وانا مطيع و صابر للجنيه=دون المعيين
والختم مني لك سلام وتحيه=لو حنا بقبرين