محمد بن عبد الله العوني
ولد في الربيعية بالقصيم من أشهر ناظمي شعر النبط في نجد
وعرف بشاعر الحرب والسياسة اللسن المهيج المتقلب وقيل
نشأ في عهد احتراب أبناء الإمام فيصل فيما بينهم حتى اهتبل
محمد بن عبد الله بن رشيد الفرصة فاستولى على نجد وكانت
بريدة عاصمة القصيم محور الدائرة لتلك الحروب ففيه كانت
وقعة المليدة سنة (1308هـ) وفيه وقعةالبكيرية الفاصلة التى
أعادت حكم آل سعود وتخلل هاتين الوقعتين مئات من الوقائع
شهدها العوني وشارك في كثير منها بشعره وعرف الملك
عبدالعزيز بن سعود قيمة شعره فأكرمه توفي عام 1342هـ
وهنا اورد لكم بعض قصائده
مضى الليل
مضى الليل وأنحـن النجـوم وقـام=وضوء النهار يقلـع بسنـاه ظـلام
وأنا ساهر ٍ ما لاقت العين بالكرى=أديـر قالاتهـن وهــن عـظـام
وأقلب الحيـلات وأشتـري رفاقـه=بعادي يريـدون الحريـب حيـام
هم سيفـي القاطـع لزامـة الثنـا=وهـم لكـل النايـبـات حــزام
نخيتهـم والضـد عنـدي ودونهـم=وتمنيت لـو هـم يسمعـون كـلام
وتمنيت لو يشوفون خيولٍ تذودنـا=وتضرب بأطـراف البـلاد جهـام
مناديب أنخاكـم تـردون ماجـرى=على كلمـةٍ بأثـر الفهـود همـام
حيلٍ رعن الحاجزين وأوردوهـن=لين غـدن مثـل الفحـول جسـام
هن منية المنيوب هن غاية المنـى=هن ليـا دعاهـن الهجيـج شهـام
سيـروا عليهـن يـا الـعـوادي=وبالكـم تنامـون وأنـا مـا أنـام
سيروا كفاكم شر مابـان وأختفـى=على ظهر خمـس البطـون ظيـام
شاشن من صيحات علوى ساقمـه=من الشرب والمرعى جـدن عـدام
وأركبتكم من فوقهن عقب جفلهـن=يا عزوتي سمـح الوجيـه كـرام
وليا أقبلن بكم تباكوا علـى النظـى=وأنخـوا وقولـوا يالأيـام نـيـام
أصـحـوا فــرق الله شملـكـم=تراكم نيام والسباع حولكـم تحـام
ترى لهم عادةٍ لـو سمعـوا النـدا=يجيبون صوتـه فازعيـن شمـام
تعدون ماشفتوا وشافـت عيونكـم=وتبدون بالهـرج المصيـب قـوام
وتقولون من الضيم ينخاكم شيخكـم=غلامين ماعقـب الصيـاح مقـام
تنخاكم السمراء وعكاش والحمـى=وأجـا وجلـديـه تــرد مــلام
وسلمى تنادي وين الأسلم وصيتهـم=و دعت على قلوب السامعين حطام
تصيح يا برغش على سالفة مضت=عـزاه ماتـدري علـيـا هــدام
جونا أهل العوجه كما السيل المنتهي=يريـدون ديـن والديـون قــدام
وتمنيت لو الموت زارنـي قبـل ذا=ولا أشوف بين الهضبتيـن خيـام
يا ليت عيـنٍ للسناعيـس وايقـت=تنظر ثرى السمـراء عليـه ستـام
غلبا بني عمـي وعدتـي وركنـي=غلبـا ليـا شـط الحريـب وزام
غلبا كـل شـي يبـاع ويشتـرى=سوى الطيب يبقـى للرجـال دوام
غلبا بكيت وصاحت الـدار بعدكـم=ونخيتكـم وأنتـم بـعـاد مــرام
يقول اللي خفراتكـم ويـن دارهـم=ودموعهـم فـوق الخـدود نظـام
ويصيحن وينخن وين شمر ذرانـا=وبأقدامهن عقـب التـراب لجـام
غلامين قوما قومـة الليـث كلكـم=ليـا ثـار بمـزح وبهـدٍ وقــام
وين الطنايـا ويـن كسابـة الثنـا=وين الجمـوع اللـي تقـل نظـام
وشيب عيني مابعد اليـوم شفتهـم=على عين مزحـومٍ يعـض إبهـام
قلته وأنـا منهـم وأمـد حقوقهـم=ومالـي وعمـري للـزوم زحـام
وأنا صلب عبدالله وأنا ستر من بكى=و لـو مالـي عــزوةٍ وعـمـام
عيناي لا تبكـي فرقـى رفاقتـي=مدى العمر يقلب دونكـن وينسـام
وين الطنايا وين
عـزي لقلـبٍ كــل مــا طــرف اللـيـل =علـيـه صـــارن الـدقـايـق جـلايــل
واعتاظ عن طيـب الكـرى بالتعاليـل =بـافـكـار واذكـــار وقـــول وقـايــل
والعيـن كـن ابموقهـا يــدرج المـيـل =عيت تطيق النوم مـن فـور جايـل
على بني عمي اسنـادي عـن الميـل =نطـاحـة الكـايـد اكـبــار الحـمـايـل
اقـفـوا كـمـا مــزنٍ ثقـيـل المخايـيـل =من زاعج الغربي حدر لـه شعايـل
شمـر مقابيـس المنايـا هــل الخـيـل =عصمـان الاريـا مقحميـن الدبـايـل
يا دار ويـن أهـل المهـار المشاويـل =اهـل الـنـزول الـلـي تـعـز النـزايـل
بكيتهـم يـوم ارتـكـى فـوقـي الشـيـل =وذكرتهـم يـو اقبـل الـضـد صـايـل
وصاح الصيـاح وطوحـن الهلاهيـل =وهلت ادمـوع معكرشـات الجدايـل
وقلت ابشرٍ مـا دام بالعمـر تمهيـل =مـا دام مـا رزت عليـنـا النضـايـل
لا تبكـيـن الـوحـدة قِــل الرجـاجـيـل =مــا دام عـيـن الله عليـنـا تـخـايـل
وظهرت أنا باسم العصاة المشاكيـل =لـو هــم قلـيـل يـدركـون الجمـايـل
هـم حاصـلـي لا كملـنّـا المحاصـيـل =غوش الجبل خزني غلامين حايـل
باعـوا عزيـز العمـر دون المضاليـل =وحمـوا حماهـا مقدمـيـن الفعـايـل
قالوا عليهم قلت يزجوا اهـل الخيـل =وقهرتهـم غصـب ووردوا غـلايـل
واذنـيـت هـجـنٍ يقـربـن المـحـاويـل =هــوج هجاهـيـج اهـجـاف نحـايـل
عليـكـم يـطـرب قـلــوب المـراسـيـل =خفـقـات رفـقـات صــلاب جـلايــل
قلايـص عـوص صعاصـع شمالـيـل =من سلسلة نسل السبـاق السلايـل
الصبـح مـدن كنـهـن جـولـة الـريـل =رفيحٍ علت من فوقها ارجال حايل
وصبح اربعٍ تلفـي نـزول كمـا الليـل =شمّـر إليـا عــدت فــروع القبـايـل
أدنــى بـالادنـى خبـروهـم بتفـصـيـل =لا تسفهـون اصفارهـم والجمـايـل
ولازم إليـا شـافـوا اركــاب مقابـيـل =تلزمهم النشدات عـن سكـن حايـل
قولـوا لهـم يـا مقبليـن عـلـى خـيـل =نـجـد واهلـهـا يطـلـبـون الاوايـــل
جونا هل العارض جموع كما الليـل =يـبـغـون دار هـابـهـا كـــل عـايــل
وجرى لمنا يومٍ يـا طـب بـه الشيـل =يطيـح مـا تشنـى عليهـا الرحـايـل
واضفـا علـى عكـاش مـثـل الهـمـال =يليـا طـول مـا حنـا لهـم بـالاوايـل
ويـن الطنايـا ؟ ويـن شرابـة الهيـل =وين الرجال اللـي تشيـل الثقايـل؟
وين السيوف اللي نعـدل بهـا الميـل =وين الرماح اللي ترد كـل عايـل ؟
ويـن النشامـا والعصـاة المفالـيـل ؟ =وجميع من ضربـه تضيـع الدلايـل
نشرب بهـم صافـي القـراح المشاهيل =وننزل بهم غصبٍ على كل طايل
تذكرتهـم يـوم ارتـدم فوقـي الشـيـل =ونخيتهـم يـوم اقبـل الضـد صايـل
غلبـا تــرى بلدانـكـم لبـسـت النـيـل = تنخى الرجـال المكرميـن الاصايـل
تنخـى اهـل العـادة كــرام الاسابـيـل =يوم التعـازي والدخـن لـه صلايـل
قلته وانا معكـم علـى العـدل والميـل =لـعـل مـــا نـعـتـاظ عـنـكـم بـدايــل
تمـت وصلـوا عــد وبــل المخايـيـل =علـى نـبـي الـحـق مــا زال زايــل
هل الهلال
هـل الهـلال وهـامــل الـدمـع مدرار = لا هـل واهــمـل ماطـره,كلـهلل هـل
عـلى مـود مـلـك الله ولا صــــــــار = له, والـمـهـا مـالـه, ولا رسـم ما كـل
صـور وصـار المـلح والدل والكــار = لا رام لــه حــال ولا الـمــال لــه حــل
لـو صاح صالح طالعه سـاع ما دار = اود عـلى صــدره على الـمسـك عمّل
سامح محمد لا رأى روس الاسطار = وحــسـامـه الـصـارم لراع الهوى سل
ولا رد كود اهلا وسـهلا لـه كـــرار = والـحــلـم هـو .. والـعـلـم دلـه ولا دل
اسـالـه و مـا درى الـود مــا صــار = و لا و لا لــه .. كـــم دور لـــهـم عــل
اول صدور مواصله والهوى صـار = لـمـا الــدهــر رده عـلـى حــالـــه اوّل
مـا صح عله والرعـد مـا وسـم دار = والحال حال الحول والحـمـل مـا حـل
ولـولا حلاها حلهـا روس الاكـــوار = ما حل لـه دل ولو هــو .. حــل ما دل
عسا عسـى مـا كمل الــدار .. للدار = عاد الرحا دوره على روس الاوحال
وصلوا على طه عدد رمـل الاوعــار = او ما كسا سهــل الـوطا للسما طل
خلوج تجذ القلب
خلوج تجذ القلب باتلى عوالها =تكسر بعبرات ٍ تحطم سلالها
تهيض مفجوع الضمير بحسها =الى طوحت حسه تزايد هجالها
له قلت أنا يا ناق كفى عن البكا =لا تبحثين النفس عما جرى لها
لا تفجعين البال بالله هودّى =ولى خلوج ٍخبث البين بالها
تبكين فرقا بكرة ٍشدة العرب =ضاعت يمين البوش والا شمالها
تجيك يا ناق الخطا أو تجينها =وان كان ضاعت لك بديل بدالها
لكن أنا اليوم ما تنعد مصاوبى =ولا علتي تبرا ولا ينشكى لها
فلو البكا يا ناق عنى يحلها =بكيت بيض أيامها مع ليالها
ولو البكا يا ناق يرجع لغايب =بكيت لين العين ييبس ثمالها
وابكى على الا ثنين ما ذعذع الهوا =مدى الدهر لين النفس تلحق زوالها
وابكى على ما صاب نفسى وما جرى =وابكى على فتخان الايدي زلالها
وابكى على دار ربينا بربعها =معلوم خشم الرعن من شمالها
ومن شرق طعسين الأرخم تحدها =بين اللوى والسر ما اطيب سهالها
دار بنجد جنة كان قبل ذا =ومن صكته غبر الليلى عنا لها
وصفه من الخفرات بيضا عفيفه=يفوق كل البيض باهر جما لها
حسودها يغضى الى مر حولها =من خوف عيال تربوا بجالها
حى امنا واحلو مطعوم درها =غدتنا وربتنا وحنا عيالها
بزور بنا ما مثلها يكرم الضنا =وصول بنا لكن نسينا وصالها
تلقى علينا الجوخ والشال فوقنا =وهي عاريه تبكى ولا احد بكى لها
ولا أحد جزع من صيحته يوم سبلت =ولا أحد نشد من بعد ذواش جرى لها
قلت آه واويلاه يا خيبة الرجا =كيف أمنا تهضم وحنا قبالها
يا طارش من فوق سراقة الوطا =هميم الى سارت ذعرها ظلا لها
حايل ثمان اسنين ما مس خلفها =ولا بركت للشيل جملة حمالها
الى بدالي لازم قلت شدها =واضبط عن الفزات مقضب حبالها
ولا نعتنى بالخرج ماذي بحزته =شل قربة ٍ واجعل زهابك عدالها
فالى شلت خذلى بالرسن قدر ساعه =أبلغك في دق المسايل جلا لها
والى ختمته بالسلام فحثها =من دار ابو جابر سقى الغيث جالها
اوصيك يا مرسال بالسير والسرى =واحذرك نوم الليل عينك ينالها
الى سرتها عشر وخمس مغرب =مرواحك الشام منها منا لها
والى جيت سوق العصر ياتيك غلمه =تخثع بزينات البريسم انعالها
يقولون لك ياصاح عطنا علومك =بلدان نجد ٍعقبنا وش جرى لها؟؟
قل كل بلدان القصيم وغيرها =عن الخوف زاموا دون جاله رجالها
مير داركم من عقبكم تندب الثرى =تبكى على الماضين واعزتا لها
ترى مركب الاخطار هو مصعد العلى =ولا يدرك المقصود غير احتمالها
وترى بالسيوف المال والعز والبقا =والجنه الخضرا بخضرة ظلالها
قومو براى الله واقضوا ديونكم =أنتم هل القالات ما أنتم رذالها
مدام ابو جابر على العز والبقا =عنا ثقيلات الحمول ارتكى لها
الى احترك سبع القبايل تحركت =والى رسى ترسي رواسي جبالها
قوموا برايه ثم راي ابو ثامر =ابو كلمة يافي بها حين قالها
عرق الصخا بحر الندى مرهق العدا =لااشتبت الهيجا تعرفه رجالها
هيج سباع الحرب بالبر والبحر =والشمس تشكي منه عجه ينالها
ومصقلات الهند تدعي له البقا =لولاه كان اصدت بغمده سلالها
نشا مولع بالحرب والضرب ماشكا =والخيل والعيرات تشكي هزالها
من كثر مامسه على السير والسرى =من كثر ماخاضت مهامه سهالها
قوي باس مايلين الى مضى =الى ضكته صعب الحمول ارتكى لها
شال الحمول الثقيله يوم جدعت =عفى زمول جدعتها وشالها
هذا وتم القيل والله به الرجا =وصلوا على المختار مااهمل خيالها
منقووووووووول للفائدة
قصيدة العونى فى مدح الشيخ مبارك الصباح رحمهم الله .
السلام عليكم ورحمة الله وبركاته
العرض العادي
