كل الشكر لكم اخوانى على مروركم الطيب
كما وردتنى من الشاعر جازى البغيلى قصيدته المعروفه فى النسب الى الاشراف وقد سالته عن هذه القصيده متى كتبت واجاب فى سنة 1961 تقريبا وهاهى اضعها امامكم والله على مااقول شهيد
قال من له بالمثل قـول ٍ طريـف
من نوى طول السفر شد الحـزام
القلـم للقلـب محبـوبٍ وليـف
يحفظ التاريخ ويحفظـه النظـام
منبعى مكـه وطيبـه والعطيـف
مولد المبعوث والبيـت الحـرام
منبعا ً للنـور والديـن الحنيـف
مهبطا ً للوحى وآيـات ٍ عظـام
جدى المرحوم ابن عون الشريف
وديني الاسلام من قبل ألف عـام
ورسمنا بأرض ٍ شمال ٍ من عفيف
مدهـل ٍ للريـم وزروف النعـام
من عثاعث حبر مرباع ومصيـف
والجرير وماتحـدر مـن جهـام
ورسمنا بالسر حول ابن الشنيف
عين راشد ماتبـى صحـة كـلام
منقصنا بين هيف ٍ وبين سيـف
من حرايب نجـد وآلاد الخصـام
نحمى المظهور بالحـد الرهيـف
وجارنـا مـدام معنـا مايضـام
ونشرب الماء جم وألا من غريف
نشرب الماء من سعه وألا زحـام
وننجع البارق ليا جالـه رفيـف
وترعت القرعه لنا فيهـا مقـام
واستقرينا علـى بـر ٍ و سيـف
من شرا حمّـا الـى وادى سنـام
بديرة ٍ ضمت مـن شتـى لفيـف
وعايش ٍ بأمن ٍ وأمـان ٍ وسـلام
قلبي واليها على قومـه نظيـف
يحترم قومه وحاضـي باحتـرام
من تلال الذيب للرجـم المنيـف
حلـة مبـارك عليهـا بالتمـام
والجهل والظلم مسلـك للكسيـف
وردوا تباعهـن بحـر الـظـلام
وتجرى الايام فى حكـم اللطيـف
عالـم ٍ بالغيـب عينـه ماتنـام
والبقـاء لله وابـن آدم ضعيـف
والبشـر تفـنـى ولله الــدوام
واستعن في واحد ٍ ماله وصيـف
الله اللـي لا ينـام ولا يـضـام