صفحة الشاعر والمؤرخ جازى البغيلى شواهد من التاريخ

[الشريف فواز الجسار العوني]

جزاك الله خير يامخاوى الليل على ماتقدمه من قصائد جزله للعم/جازى البغيلى

وبإنتظار مزيدك ياالمبدع

[ال عون]

[tabletext="width:70%;"]

[مخاوى الليل]

اخوانى الاعزاء كل الشكر على مروركم الطيب وسوف نضع كل ماهو جديد من الشاعر بالقريب العاجل

اخى وعزيزى كل الغلا تم سؤال الشاعر جازى البغيلى عن قصائد جرى الجنوبى وقال لااحفظ منه الا قصيده واحده وهى منشوره بالنت وقد ارسلتها الى مدير الموقع لان جرى الجنوبى لم يتمكن احد من حفظ قصائده والسموحه يالغالى

[أبا القاسم]

جزاك الله خير وما قصرت وكثر الله من أمثالك

[ابوسعيد1]

صح ألسانه وإيديك
تقبل مرووووووووووووووووووري

[الدكتور]

يعطيك العافية اخوي مخاوي الليل وياليت تجيبلنا قصيدة فاعلين الخير الي انقالات في الشيخ جابر والملك فهد وقالها المربي والشاعر جازي البغيلي ونشروها في جريدة القبس وتسلمون وماقصرتو

[مخاوى الليل]

كل الشكر اخوانى على مروركم الكريم


وانتظروووو الجديد

وابشر اخى الدكتور

[مخاوى الليل]

بعد جهد شاق استطعنا ان نحصل على قصائد مرثيه للشاعر علما بان هذه القصائد لم يطلع عليها احد الى هذه الساعه ونخص منتدانا الغالى بهذه القصائد ونشكر الشاعر العم جازى على سعة صدره علينا

[مخاوى الليل]

هذه القصيده قيلت لما سمع الشاعر خبر وفاة شقيقه العم سرور البغيلى رحمه الله وطيب الله ثراك ياابا جابر وقد فاضت قريحة الشاعر بهذه الابيات الجزله

ياسعود انا قلبى خرج عن صوابه =ساعة تلقيت الخبر والقدر حان
والدمع من عينى تكثف ضبابه =وخيم على عينى من الدمع طوفان
على الفقيد اللى فقدنا غيابه =وحان الفراق المرتقب بين الاخوان
وكم واحد مثلى جليل مصابه =مصايب الايام فى كل الاحيان
وحد (ن) يجى ويروح محد درابه =وحد (ن) عليه البيض طالا بالاحزان
مرحوم يامن وادعنا اركابه =وحنا على دربه مظاهير واضعان
ونزل على حي مشتت غدابه =وتحت الثرى واد من الخلق مليان
والموت ماخلا النبى والصحابه =والدايم الله عند روغات الاذهان
ويالله عسى قبر هدمنا ترابه =يدلى عليه من الهماليل ودان
يسقى ترابه لين يخضر جنابه =ويلعب حمام الورق فى خضر الاغصان
ويارب عند القبر خفف عذابه =برحمتك يامعطى جزيلات الاحسان
ندعوك ياخالق ومنك الاجابه =واما رحمت العبد نادم وخسران
وصلوا عدد ماخط محكم كتابه =على نبي خصه الله بالايمان

[مخاوى الليل]

قيلت هذه القصيده عندما تذكر الشاعر اقربائه واخوانه المتوفين وقد اعطى هذه القصيده حقها من اجمل ابيات واجزلها وفيها مدح لاخيه المرحوم سرور البغيلى ابو جابر رحمه الله وطيب ثراه

يامل قلب داخل فيه دولاب =تحت الضلوع ولاحد يسمع دويه
ياخذ مع البيداء مقادير مهذاب =وخم الطويله وانقلب للرعيه
تفرقوا عنه الجماعه والاحباب =ومن راح منهم مارجع من نويه
سوو المنايا ادلت عليهم بمخلاب =ولامن مفر الى ادركتك المنيه
ومرحوم ياللى عن ضحى شمسنا غاب =مغيبته غصب عليه وعليه
نور (ن) لديوانه الى جوه الاجناب =والضيف يلقاله حياة طريه
ويوم السنين اللى مضت فيه الاتعاب =يوم القصى والشح والمعسريه
ياما ذبح من جل تلعات الارقاب =واشبع قصير البيت واشبع خويه
يبديلهنه فى حجى كل مرقاب =رجم (ن) تلاوحه الرياح العتيه
بمسلب كسيت من العاج بخشاب =مايقتنيها الا القلوب الجريه
وشواهد التاريخ رسم على الباب =اما لقيت الريم ولا حليه
وياالله ياللى من طلب منك ماخاب =عطيتك مامثلها من عطيه
يسر لنا المسعى وتحريك الاسباب =واجعل لنا تالى حياة رضيه
وصلاة ربى عد ماخط بكتاب =أزكى الصلاة اختص فيها نبيه