قصيدة شهيرة سارت بها الركبان للشاعر دغيم الظلماوي الذي يرجع نسبه إلى الشلقان من سنجاره من شمر سكان جبل شمر ( حائل )في شمال المملكة العربية السعودية حاليا وموطنهم الاصلي أجا ، عاصر فترة حكم المرحوم الأمير محمد بن عبد الله بن علي الرشيد (فترة حكمه : 1873 - 1897) وعاصر أيضا فترة حكم المرحوم الامير عبد العزيز بن متعب بن عبد الله الرشيد سادس حكام امارة آل رشيد في حائل (فترة حكمه : 1897 - 1906) توفى دغيم الظلماوي رحمة الله عليه في الطائف في نفس السنه التي توفى بها الامير عبد العزيز المتعب ( الجنازه )سنة 1906 م . يقال انه حدث زعل بين الظلماوي والامير عبد العزيز المتعب الرشيد ورحل بعدها عن حائل وتوفي في الطائف وهناك شجرة بالطائف تسمى شجرة الظلماوي أو شجرة الشمري بالقرب من قبره .
يا كليب شب النار يا كليب شبـه = عليك شبه والحطب لك يجابي
ياكليب شب النار ياكليب شبه = عليك شبة والحطب لك يجابـي
وعلي أنا ياكليب هيله وحبه = وعليك تقليـط الـدلال العذابـي
وادغث لها ياكليب من سمر جبه = وشبة الي منه غفى كل هابـي
باغي ليا شبيتها ثـم قبـة = تجلـب لنـا ربعـا سـراة غيابـي
بنسريةً ياكليب صلفا مهبه = لاهـب نسناسـه تقـل سـم دابـي
سراة بليـل وناطحيـن مهبـه = متكنفيـن وشوقهـم بالعذابـي
الوالمة ياكليب عجل بصبه = والرزق عند اللي ينشى السحابـي
صبة لقرما صرفته ماحسبه = يوم البخيل مكنهب الوجـة هابـي
وصبة لمنعورين ليا جاة نبة = يرخص بعمره والدخل لها ضبابي
وعدة عن اللي مايداري المسبه = اللي يدور بالقصيـر الغيابـي
عن الطيب عده نازلا له بغبه = يضرب علي درب الخطا مايهابي
لا باطن الهلباج خطوا الجلبة =يا حلو خبط عصيهـم بالركابـي
أطمر لهم وأبدي سلام المحبه = لا جو على هجناً يديهم خرابـي
سلام أخلى من شخاليل جبه = وأحلى من السمن الجديد العرابي
مع كبشً مصلاح راسه نجبه = لا أدبـر الهيـن متيـن العلابـي
خطو الولد يوم الملاقي نكبه = يأتي علينا من حسـاب الزهابـي
وحتى ايش لو يلبس وبينن وجبه = معيرة على غضير الشبابـي
أنا لقيت الصبر يازين غبه =يرقيك رؤوس مشمرخات الهضابي
من لاصبر ياكليب في حكم ربه = هذاك يوم البعث ماله ثوابـي
يقولها اللي ما حسب المسبه = ولا عرقل الاجواد ببعض الهلابي
هذا هوى بالي وهذا مطبه = من قبـل مايسفـح علينـا الترابـي
لكن أحد فرسان وشجعان العونة الأشراف وهو الشريف فارس صقر حطاب العطيفة الذي أسر مع الأمير عبدالله الفيصل آل سعود عندما سقطت الدولة السعودية الثانية فلما سمع فارس العطيفة هذه القصيدة رد عليه بالقصيدة التالية :
مد الفتى يا شيخ من مد ربه = والرزق عند اللي ينشي السحابي
ما عندي ألا بندقي والمصبه = وملح الشفى عيبه ترس الدبابي
أبيلي في ساقت الجيش طبه = لاجدعوا علقانهم بالترابي
لامن مدو بخيلهم ضاع طبه = ثم جن مثل مسرحات الذيابي
خيالهم مني بعيدن مطبه = يا زين طيحت راسه بنقلابي
ولاني من يضرب طريق المسبه = من ضيع أسمي قال يا خو حجابي
وهذه القصيدة المحفوظة فقط ونتمنى من الأخوة المساهمة في استكمالها أو روايتها بشكل صحيح
الشريف فارس العطيفة يجاري دغيم الظلماوي
العرض العادي
