فواز الجسار لاتهون قرب

[ابليهان]

السلام عليكم
فواز ابن جسار شاعر يجازي الطيب بطيب
لاكن عساه اليوم يقدر يوفي من يدينه
ودي ادرجها معاكم بترغيبن وترهيب
نبغا نيسرها علي صاحبن ربي يعينه

[بن عون الشريف]

وعليكم السلام

فواز بن جسار وقت الملاقا خابره ذيب
وان باعنا بالسوق حنا ترانا شاريينه
درج هجوسك يا بليهان في روس المراقيب
واقنب وانا بقنب وراعي الردى تقصر يمينه

[ابليهان]

يامرحب بن عون تران قبل شوي شفت الرساله
استلم
مابك قصورن يشريفي ولا تحتلج تجريب
مير السوالف كلها عند من في السكينه
هاجوس شعري وافي وماله بربع العذاريب
لاكن تقدم هات خير الكلام ومن سمينه

[بن عون الشريف]

قال المثل يا ضيف تبقى على حكم المعازيب
وقالو ترى الغواص رزقه لربان السفينه
حنا عونه من نسل عون الشريف نميز العيب
عيبن علينا لا اتكلنا على الغير ورضينه

[الشريف فواز الجسار العوني]

أرحب بالشاعر العزيز ابليهان وشكراً على الترحيب
وكل الشكر للأخ الكريم وشاعر المنتدي الموقر بن عون الشريف على الرد وهو يسد عن الجميع
وبارك الله فيكم ياشعارنا الجزلين