هذي من اجـــمل ماقــال أمـــير شــعراء النبـــط مـحـمـد بـن لـعـــبــون
حي المنازل تحية عين=لمصافح النوم سهرانه
و الا تحية غريق الدين=معسر ولاقاه ديانه
منزل فريد البها والزين=عبطول مكحولة اعيانه(1)
ودي بنسيانها ومن اين=ينسى محمد لخلانه
اطيع انا في هواه اثنين=سلطان قلبي وشيطانه
اتبع هواها من اي الى اين=واحظي بشوفه و رضوانه
و ابغضت الادنين والاقصين=و احببت قومه على شانه
يا لايمي به شوين شوين=عساه ياطاك بحصانه(2)
تمسي و تصبح بوفق ٍ شين=ديان قلبي وديوانه
ماشفت برق ٍ سرا ما بين=ذيك الحواجب بليوانه
وما ذقت مابي رماك البين=بين شفتيها و برهانه
و مجدلات ٍعلى المتنين=سافات خانه على خانه(3)
والبطن والخصر والنهدين=والعنق والعين واوجانه
والورك والساق والفخذين=من بينهن فلقة الدانه
و لا دعاك الولع يا شين=دعوى المدوه لظميانه(4)
وين اشتكي ما دهاني وين=مشكاي لله سبحانه
و اقول يا اهل الهوى عزين= ما قال محسن لعثمانه(5)
1- عبطول== المرأه الجميله
2- شوين شوين== على مهلك في لهجة الشمال
3- سافات==طبقات | خانه على خانه== خانه كلمه فارسيه تعني المكان الخالي وهنا تعني طبقه على طبقه
4- المدوه== صاحب الابل | ضميانه == نياقه العطشى
5- المقصود هنا الشاعر الكبير محسن الهزاني